आगामी महाराष्ट्र बोर्डाच्या परीक्षांबाबत मोठे बदल करण्यात आले आहेत. SSC आणि HSC म्हणजेच 10वी आणि 12वी बोर्डाच्या परीक्षांबाबत मोठा निर्णय घेण्यात आला आहे. औरंगाबाद शिक्षण मंडळाने याबाबत माहिती दिली आहे. गेल्या दोन वर्षांत कोरोना महामारीव्यतिरिक्त काही महत्त्वाचे बदल करण्यात आले.
परीक्षा पद्धती, परीक्षेचा कालावधी, परीक्षा केंद्र याबाबत विशेष बदल करण्यात आले. म्हणजेच 2021 आणि 2022 या कालावधीत एसएससी आणि बारावीच्या परीक्षेत बसणाऱ्या विद्यार्थ्यांना 80 गुणांच्या पेपरसाठी अतिरिक्त अर्धा तास म्हणजेच अडीच तासांऐवजी तीन तास देण्याचा निर्णय घेण्यात आला होता.
यासोबतच इतर परीक्षा केंद्र न देता आपल्या शाळा किंवा कनिष्ठ महाविद्यालयात जाऊन पेपर द्यायचा होता. एवढेच नाही तर एकूण अभ्यासक्रमातील २५ टक्के वगळण्यात आले. पण आता कोरोना महामारीचे सर्व निर्बंध हटवल्यानंतर परीक्षा नियमांमध्ये मोठा बदल करण्यात आला आहे. औरंगाबाद शिक्षण मंडळाने याबाबत माहिती दिली आहे.
तरी राज्यभरातील SSC व HSC च्या विद्यार्थ्यांनी याची नोंद घ्यावी. राज्यभरातील शाळा आणि कनिष्ठ महाविद्यालयांनाही यासंदर्भात सविस्तर माहिती देण्यात आली आहे. दोन वर्षांच्या शिथिल परीक्षेच्या निर्णयानंतर यंदा मात्र विद्यार्थ्यांना खडतर परीक्षेला सामोरे जावे लागणार आहे. तथापि, शैक्षणिक वर्ष 2022-2022 च्या बोर्डाच्या परीक्षा फेब्रुवारी आणि मार्च महिन्यात घेतल्या जातील.
Board Exam Update
2023 मध्ये होणार्‍या HSC आणि SSC च्या परीक्षा संपूर्ण अभ्यासक्रमावर घेतल्या जातील.
2023 मध्ये होणाऱ्या 10वी आणि 12वीच्या परीक्षांसाठी कोणतेही होम सेंटर नसेल. म्हणजेच विद्यार्थ्यांना बोर्डाने ठरवून दिलेल्या केंद्रावर जाऊन परीक्षा द्यावी लागणार आहे.
80 गुणांच्या पेपरसाठी अर्ध्या तासाचा अतिरिक्त वेळ यावेळी दिला जाणार नाही. म्हणजेच विद्यार्थ्यांना 80 गुणांचा पेपर अवघ्या अडीच तासांत सोडवावा लागणार आहे.